Tushlar tabiri

Tuzoq qo’yish. Kim tuzoq qo’yib, hayvon yoki qush ovlasa, u makru-hiyla bilan rizqqa yitadi.

Tuzoqqa tushish. Kim tushida tuzoqqa tushganini ko’rsa, hiyla-nayrangga tushib qoladi.

Tuz. U pul, mol-davlatga dalolat qiladi.

Tuyoq. Tushda ilm va boylik hamda rizqqa ergashmoqqa dalolat qiladi. Shuningdek bir joydan boshqa joyga ko’chishni ham bildiradi.

Tugma yoki uning bog’ichi. Tugma yoki uning bog’ichi erkak yoki ayolga dalolatdir. Kim tushida tugmani bog’ichdan o’tkazsa, bo’ydoq bo’lsa, oila quradi, oilali bo’lsa ajralib ketgan ishini qayta qo’lga oladi.

Tugma. Tugma mol-davlat yoki rizqni bildiradi, xususan, agar tilla, kumush tug’ma bo’lsa.

Tog’ darasi. Tog’ darasi tushda makr-hiyla va nayrangdir.

Tog’. Kim tushida toqqa chiqsa, obro’li bo’ladi. Har bir toqqa chiqish yaxshi, biroq o’zi bilan teng tog’ bo’lsa, u xayrli emas.

Toshqin, oqin. Shaharga toshqin kirishi vaboga dalolat.

Toshma, eshakyem, toshmali bezgak. Bunday dardni tushda ko’rish-tez fursatda boyish va xursandchilik ichra qo’lga kiritilayotgan mol-davlat. Ehtimol, jabr-zulm va jazoning tezlashishidir.

Toshdan yasalgan o’chog’. O’chog’ erkak kishining o’zidir.

Tortiq, hadya, ehson. U ko’rilganidek hadyaning o’ziga dalolat qiladi. Ba’zan ayol bilan maishat qilish yoki azizlik, sharaf, yaxshi ko’rish va riyosatdir.

Tomchi, qatra. U tushda yomg’irlarga va yerga tushgan qatraga dalolat qiladi.

Tokcha. U sirlarni saqlovchi va ayblarni yashiruvchi kishiga dalolat qiladi.

Tok navdasi. Agar tok navdasini ko’rsa, qattiq sovuq va xaf-xatardan darak.

Toj. Aytilishicha, u ortiqcha mol, ilm va boladir.

Tovuq boquvchi. Uni tushda ko’rish g’amni ketkazishga dalolat qiladi.

Tovush. Tovush kishining odamlar orasidagi faxri va obro’sidir.

Tovoq (lagan). U yog’ochdan yasalgan katta tovoq bo’lib, xotin yoki xodimga dalolat qiladi. Shuningdek rizqqa ham dalolat qiladi.

Tobut. Tushda tobut katta mulkdir. Kim o’zini tobut ichida ko’rsa , sultonlikka erishadi. Yana xursandchilik, bir muddat o’tib yomonlikdan najot topish va yo’qolgan odami bo’lsa, kelishiga dalolatdir.