Tushlar tabiri

Tuyoq. Tushda ilm va boylik hamda rizqqa ergashmoqqa dalolat qiladi. Shuningdek bir joydan boshqa joyga ko’chishni ham bildiradi.

Tuz. U pul, mol-davlatga dalolat qiladi.

Tog’. Kim tushida toqqa chiqsa, obro’li bo’ladi. Har bir toqqa chiqish yaxshi, biroq o’zi bilan teng tog’ bo’lsa, u xayrli emas.

Tog’ darasi. Tog’ darasi tushda makr-hiyla va nayrangdir.

Tortiq, hadya, ehson. U ko’rilganidek hadyaning o’ziga dalolat qiladi. Ba’zan ayol bilan maishat qilish yoki azizlik, sharaf, yaxshi ko’rish va riyosatdir.

Toshdan yasalgan o’chog’. O’chog’ erkak kishining o’zidir.

Toshma, eshakyem, toshmali bezgak. Bunday dardni tushda ko’rish-tez fursatda boyish va xursandchilik ichra qo’lga kiritilayotgan mol-davlat. Ehtimol, jabr-zulm va jazoning tezlashishidir.

Toshqin, oqin. Shaharga toshqin kirishi vaboga dalolat.

Tok navdasi. Agar tok navdasini ko’rsa, qattiq sovuq va xaf-xatardan darak.

Tokcha. U sirlarni saqlovchi va ayblarni yashiruvchi kishiga dalolat qiladi.

Tomchi, qatra. U tushda yomg’irlarga va yerga tushgan qatraga dalolat qiladi.

Tovush. Tovush kishining odamlar orasidagi faxri va obro’sidir.

Tovuq boquvchi. Uni tushda ko’rish g’amni ketkazishga dalolat qiladi.

Toj. Aytilishicha, u ortiqcha mol, ilm va boladir.

Tobut. Tushda tobut katta mulkdir. Kim o’zini tobut ichida ko’rsa , sultonlikka erishadi. Yana xursandchilik, bir muddat o’tib yomonlikdan najot topish va yo’qolgan odami bo’lsa, kelishiga dalolatdir.

Tovoq (lagan). U yog’ochdan yasalgan katta tovoq bo’lib, xotin yoki xodimga dalolat qiladi. Shuningdek rizqqa ham dalolat qiladi.

Tish tushishi. Kim tishlari tushib ketganini ko’rsa, aka, uka yoki bolalaridan biriga balo keladi.

Tish tozalagich. U tozalash so’zini o’z ichiga olganligi uchun ta’vilda yaxshi ko’rilmaydi. U yana uy ahlidir. U go’yo oila a’zolaridan g’amni ketkazadi. Agar u bilan sochini ichini ochsa, uning moli […]

Tirnoqlar. Tirnoqlar insonning dunyodagi qudratidir.

Tishlar. Tishlar uy azolarini bildiradi.